Skip to main content

Ditari kontabël

Ditari Kontabël mban të gjitha hyrjet kontabël me regjistrim të dyfishtë: çdo transaksion përbëhet nga rreshta debie dhe kredie që duhet të balancohen. Hyrjet krijohen automatikisht nga dokumentet (faturat e fiskalizuara, blerjet, transaksionet bankare) ose manualisht për raste të veçanta.

Ditari kontabël

Struktura e një transaksioni​

Çdo transaksion në ditar ka:

  • Datën, përshkrimin dhe referencën — identifikimin e veprimit
  • Burimin — nga erdhi hyrja: Manual, Faturë (B2C), Faturë Elektronike (B2B), Blerje, Transaksion Bankar ose Sistem
  • Rreshtat — llogaria, shuma në Debit ose Credit dhe përshkrimi për secilin rresht
  • Statusin — Draft (i ndryshueshëm), Postuar (i regjistruar në libra), Anuluar (i stornuar) ose Mbyllur (në periudhë të mbyllur)

Lista filtrohet sipas periudhës, burimit dhe kërkimit me përshkrim ose referencë; në krye shihni totalet e debisë dhe kredisë.

Hyrje e re manuale​

Forma e hyrjes së re në ditar

  1. Klikoni Hyrje e Re.
  2. Vendosni Përshkrimin e transaksionit (p.sh. "Pagesa e qirasë mujore"), Datën, dhe sipas nevojës Referencën dhe një Shënim.
  3. Te Rreshtat e hyrjes zgjidhni llogarinë për secilin rresht dhe vendosni shumën në kolonën Debit ose Credit. Duhen të paktën 2 rreshta; me Shto rresht shtoni të tjerë.
  4. Ndiqni treguesin e balancimit: totali i debisë dhe i kredisë duhet të jenë të barabartë — forma tregon I balancuar ose diferencën e mbetur.
  5. Ruani me Ruaj si Draft (mund ta ndryshoni më vonë) ose Ruaj dhe Posto (regjistrohet direkt në libra).

Postimi​

Një transaksion Draft nuk ndikon ende në raporte. Për ta regjistruar, hapni detajet dhe klikoni Posto Transaksionin. Pas postimit transaksioni nuk mund të modifikohet — vetëm të stornohet.

Stornimi (anulimi me veprim të kundërt)​

Regjistrimet e gabuara nuk fshihen — anulohen me kundërveprim, që historiku të mbetet i plotë:

  1. Hapni detajet e transaksionit të postuar dhe klikoni Anulo Transaksionin.
  2. Shkruani Arsyen e Anulimit (e detyrueshme).
  3. Konfirmoni — sistemi krijon transaksionin e kundërt (debia dhe kredia të përmbysura) dhe transaksioni origjinal merr statusin Anuluar.

Transaksionet në periudha të mbyllura shfaqen si Mbyllur dhe nuk mund të preken (shih Periudhat).